ऐजदी भग्यानी ईं ज्वानि का छौन्दा : ऐजदी भग्यानी

गायक : नरेन्द्र सिंह नेगी
एलबम: ऐजदी भग्यानी




चिठ्युं का आखर अब ज्यू नि बेल मोंदा, बुसील्या रैबार तेरा आस नी बंधौन्दा -२
ऐजदी भग्यानी, ऐजदी भग्यानी -२
ऐजदी भग्यानी ईं ज्वानि का छौन्दा-२
ऐजदी भग्यानी ईं ज्वानि का छौन्दा-२

रांका बाल बाली काली रात नि ब्याणी, मेरी रात नि ब्याणी ।
रात नि ब्याणी, मेरी रात नि ब्याणी ।
उंसी का बुंदुन चुची तीस नि जाणी मेरी तीस नि जाणी ।
तीस नि जाणी मेरी तीस नि जाणी ।
पंद्रह पचिस्या दिन सदानि नि रौंदा -२
ऐजदी भग्यानी अर..र..र..र..र.र..र..रा..
ऐजदी भग्यानी ईं ज्वानि का छौन्दा-२
ऐजदी भग्यानी ईं ज्वानि का छौन्दा-२

रुड्युं का घामुन खैरया आंसूनी सुखदा, भगी आंसूनी सुखदा ।
आंसूनी सुखदा, भगी आंसूनी सुखद ।
जेट की बरखा न पाडु छोयां नी फ़ुटदा भगी छोरि छोयां नी फ़ुटदा ।
छोयां नी फ़ुटदा छोरि छोयां नी फ़ुटदा ।
बारमास फ़ूल खिल्यां डाल्युं मां नि रौंदा-२
ऐजदी भग्यानी छांटो रे छाटो रे छांटो छाटो..
ऐजदी भग्यानी ईं ज्वानि का छौन्दा-२
ऐजदी भग्यानी ईं ज्वानि का छौन्दा-२


आस को आसरो तेरी खुद ज्यूणो सारो, भगी खुद ज्यूणो सारो ।
खुद ज्यूणो सारो, भगी खुद ज्यूणो सारो ।
जथा हिटूं त्वे जथैईं बाटु फारु-फ़ारु, चुची बाटु फारु-फ़ारु ।
बाटु फारु-फ़ारु, चुची बाटु फारु-फ़ारु ।
मन का मन्युल बैठ बैठि नी पुरयोंदा -२
ऐजदी भग्यानी सरर.ररर... सरको रे सरको..
ऐजदी भग्यानी ईं ज्वानि का छौन्दा-२
ऐजदी भग्यानी ईं ज्वानि का छौन्दा-२


दिलै सूण मैन मान घंघतोल म न पोड़, भगी घंघतोल म न पोड़ ।
घंघतोल म न पोड़, भगी घंघतोल म न पोड़ ।
धाकना धरी कि अऊ खैंचताणि छोड़, छोरि खैंचताणि छोड़ ।
खैंचताणि छोड़, छोरि खैंचताणि छोड़ ।
मोल भऊ जांचि पुछी माया नी मोल्योंदा -२
ऐजदी भग्यानी सा..बा.. से साबा.. से..
ऐजदी भग्यानी ईं ज्वानि का छौन्दा-२
ऐजदी भग्यानी ईं ज्वानि का छौन्दा-२
ऐजदी भग्यानी ईं ज्वानि का छौन्दा, ऐजदी भग्यानी ईं ज्वानि का छौन्दा ।
ऐजदी भग्यानी ईं ज्वानि का छौन्दा, ऐजदी भग्यानी ईं ज्वानि का छौन्दा ।

चम चमकि घाम काँठीयूं मा : बुरांश

गायक : नरेन्द्र सिंह नेगी
एलबम: बुरांश

चम चमा चम, चम चम , चम चम,चम चमकि , चमकि , चम चमकि घाम काँठीयूं मा
हिंवांली काँठी चांदि कि बणी गैनी, हिंवांली काँठी चांदि कि बणी गैनी
बणी गैनी, बणी गैनी
हिंवांली काँठी चांदि कि बणी गैनी, हिंवांली काँठी चांदि कि बणी गैनी ।

शिब का कैलाशु ग्यायी पैली पैली घाम , शिब का कैलाशु ग्यायी पैली पैली घाम
सेवा लगौणु आयी बदरी का धाम , बे बदरी का धाम, बे बदरी का धाम
सर.. फैली , फैली , सर.. फैली घाम डाँडों मा
भौन, पंक्षि, डांडि, डालि वोटि बिजी गैनी, भौन, पंक्षि, डांडि, डालि वोटि बिजी गैनी
बिजी गैनी , बिजी गैन
हिंवांली काँठी चांदि कि बणी गैनी, हिंवांली काँठी चांदि कि बणी गैनी ।


ठण्डु-मठु चड़ी घाम , फूलु कि पाखियुं मा, ठण्डु-मठु चड़ी घाम , फूलु कि पाखियुं मा
लगि कुतग्यली तौंकी नाँगि काख्युं मा बे
नाँगि काख्युं मा, बे नाँगि काख्युं मा
खिच्च हैसिनी, हैसिनी, खिच्च हैसिनी फूल डालियुं मा
भौंरा पोथला रंग-मत बणी गैनी, भौंरा पोथला रंग-मत बणी गैनी
बणी गैनी , बणी गैनी
हिंवांली काँठी चांदि कि बणी गैनी, हिंवांली काँठी चांदि कि बणी गैनी ।

डांडि-काँठि बिजाली , पौंछि घाम गौं मा, डांडि-काँठि बिजाली , पौंछि घाम गौं मा
सु-निंद पौडि छै, बेटी ब्वारी डेरों मा बे
ब्वारी डेरों मा, बे ब्वारी डेरों मा
झम्म झौल , झौल , झम्म झौल लगी आखियुं मा
मायादार आंखियुं का सुपिन्या उड़ी गैनी, मायादार आंखियुं का सुपिन्या उड़ी गैनी
उड़ी गैनी , उड़ी गैनी
हिंवांली काँठी चांदि कि बणी गैनी, हिंवांली काँठी चांदि कि बणी गैनी ।

छुँयुं मा मिसे गिन पंदेरो मा पंदेनी, छुँयुं मा मिसे गिन पंदेरो मा पंदेनी
भाँडी भुरेगिनी तौंकी छुँई नी पुरेनी बे
छुँई नी पुरेनी, बे छुँई नी पुरेनी
खल्ल ख़ते , ख़ते, खल्ल ख़ते घाम मुखडि़युं मा
पितल्याणा मुखड़ी सोना की बणी गैनी, पितल्याणा मुखड़ी सोना की बणी गैनी
बणी गैनी , बणी गैन
हिंवांली काँठी चांदि कि बणी गैनी, हिंवांली काँठी चांदि कि बणी गैनी ।

दोफ़रा मा लगी जब बणु मा घाम तैलू, खोपरा मा लगी जब बणु मा घाम तैल
बैठि गिनी घसेनी बिसै की डाला छैल
बिसै की डाला छैलु , बिसै की डाला छैलु
गर्र निंद , निंद , गर्र निंद पोडी़ छैलु मा
आयि पतरोल अर घसेनी लुछे गैनी, आयि पतरोल अर घसेनी लुछे गैनी
बणी गैनी , बणी गैनी
हिंवांली काँठी चांदि कि बणी गैनी, हिंवांली काँठी चांदि कि बणी गैनी ।

ब्यकुनी को सिलु घाम पैटण बैठी गे, ब्यकुनी को सिलु घाम पैटण बैठी गे
डाडियुं का पेछेडि जोन हैसण बैठी गे बे
हैसण बैठी गे, बे हैसण बैठी गे
झम्म रात , रात , झम्म रात पोडी़ रौलियुं मा
भौन, पंक्षि, डांडि, डालि वोटि सेयी गैनी, भौन, पंक्षि, डांडि, डालि वोटि सेयी गैनी
सेयी गैनी, सेयी गैनी
भौन, पंक्षि, डांडि, डालि वोटि सेयी गैनी, भौन, पंक्षि, डांडि, डालि वोटि सेयी गैनी
भौन, पंक्षि, डांडि, डालि वोटि सेयी गैनी, भौन, पंक्षि, डांडि, डालि वोटि सेयी गैनी......

तेरी दिनि रुमाल : गैल्या धनुली

एलबम- गैल्या धनुली

गायक- प्रीतम भरतवाण

गायिका- मीना राणा




तेरी दिनि रुमाल सुवा मेरी सिराणा धरीं च

तेरी दिनि समोण सची मेरी खिसा मा रखीं च ।

तेरी दिनि रुमाल सुवा मेरी सिराणा धरीं च

तेरी दिनि समोण सची मेरी खिसा मा रखीं च ।


याद औंदी तेरी मन मा ज्यू नि लगदु काम कन मा, याद औंदी तेरी मन मा ज्यू नि लगदु काम कन मा,

माया का सुपिनिया आंख्युं मा, बिंगदुं नि छौं सारी रात्यूं मा ।

मेरा भी हाल तनी छन, मेरा भी हाल तनी छन,

माया की मुँदंड़ी मेरी आंगुली मा पैरीं च, माया की मुँदंड़ी मेरी आंगुली मा पैरीं च ।

तेरी दिनि रुमाल सुवा मेरी सिराणा धरीं च

तेरी दिनि समोण सची मेरी खिसा मा रखीं च ।



परदेश मा बिसरी ना जै रण-सेण मा नौ लेन्दो रै, परदेश मा बिसरी ना जै रण-सेण मा नौ लेन्दो रै

सेणी खाणी हो या काम काज बडुली लायी खुटियुं पराज ।

मेरी पराणी छै तू सची, मेरी पराणी छै तू सची ,

तेरी गौली मा हाथ धरी मेरी कसम करीं च,

तेरी दिनि रुमाल सुवा मेरी सिराणा धरीं च ।

तेरी दिनि समोण सची मेरी खिसा मा रखीं च ।

तेरी दिनि रुमाल सुवा मेरी सिराणा धरीं च ।



रंग ढंग अर ढाल चाल सानुन करदी मालामाल, रंग ढंग अर ढाल चाल सानुन करदी मालामाल,

मुल हैसुणु मिजाज मारन्दी, स्वाणी मुखड़ी मन मा दिखेंदी

तेरी छुँयुं सुणीक सची, तेरी छुँयुं सुणीक सची

मेरी जिकुड़ी मा हे लठयाला कत-मत सी लगीं च

तेरी दिनि रुमाल सुवा मेरी सिराणा धरीं च ।

तेरी दिनि समोण सची मेरी खिसा मा रखीं च ।



मेरा बिलोज मा खिसा सिल्युं च, वैपर तेरु ही फ़ोटु धरयुं च, हाँ मेरा बिलोज मा खिसा सिल्युं च, वैपर तेरु ही फ़ोटु धरयुं च

पली माया जिकुरी क घौर तू ही भँवर तू ही चितचोर

मन भरेक ऐगी मेरु, मन भरेक ऐगी मेरु

यकुली ब्यकुली माया सुवा तेरी खुद मैं लगी च

तेरी दिनि रुमाल सुवा मेरी सिराणा धरीं च ।

तेरी दिनि समोण सची मेरी खिसा मा रखीं च ।

तेरी दिनि रुमाल सुवा मेरी सिराणा धरीं च ।

तेरी दिनि समोण सची मेरी खिसा मा रखीं च ।

तेरी दिनि रुमाल सुवा मेरी सिराणा धरीं च ।

मेरी खिसा मा रखीं च , मेरी सिराणा धरीं च ।

मेरी खिसा मा रखीं च , मेरी सिराणा धरीं च ।

छोडदा नि दारु ... (तुमारा बिगर)

एलबम- तुमारा बिगर

गायक- बिरेन्द्र सिंह

गायिका- कल्पना चौहान

कलाकार- मनीषा व सुशील बद्री



कनि कनि कर्याली तुमुक, कनि कनि कर्याली तुमुक,

छोडदा नि दारु तुम छोडदा नि दारु,

समझायी-समझायी मै हुवेगे मुंडारु हाँ बै समझायी-समझायी मै हुवेगे मुंडारु ।

कनि करिक छोडन प्यारी, कनि करिक छोडन प्यारी,

दारु च सारु मेरु दारु च सारु,

इ दारु बिगर नि मेरु गुजारु, हाँ बै इ दारु बिगर नि होण्य गुजारु ।



रुमुक पड़ी तुमन बोतल मंगौण, हाँ रुमुक पड़ी तुमन बोतल मंगौण,

कभी प्याज काखुड़ी कभी भुज्जी खुजौण, हाँ बै कभी प्याज काखुड़ी कभी भुज्जी खुजौण ।

दारु की गैल मा बिडियुं कु तमासु, बल दारु की गैल मा बिडियुं कु तमासु,

सारी रात स्येण नि देन्दु तुमारु कांसु , छि बै सारी रात स्येण नि देन्दु तुमारु कांसु ।

तरि भरि उमर मा हुवेगे, तरि भरि उमर मा हुवेगे ज्वानि कु खारु, मेरी ज्वानि कु खारु,

समझायी-समझायी मै हुवेगे मुंडारु, हाँ बै समझायी-समझायी मै हुवेगे मुंडारु ।



मेरा मन की प्यारि शरिल दुखौ ना, अरे मेरा मन की प्यारि शरिल दुखौ ना,

गोरि मुखड़ी कु तु रंग सुखौ ना, हाँ बै गोरि मुखड़ी कु तु रंग सुखौ ना ।

त्वे क्या पता प्यारी दारु कु सवाद, अरे त्वे क्या पता प्यारी दारु कु सवाद,

अरे दारु की रस्याण च पियण का बाद, हाँ बै दारु की रस्याण औन्दी पियण का बाद ।

इ दारु मा मेरु लगिगे, इ दारु मा मेरु लगिगे,

सोर यखारु बल सोर यखारु,

इ दारु बिगर नि होण्य गुजारु हाँ बै इ दारु बिगर नि मेरु गुजारु ।



खोल खोल मा दारु की भट्टी चड़ीं च, बल खोल खोल मा दारु की भट्टी चड़ीं च,

देन्दारो पेन्दारो की मौज पड़ीं च, हाँ बै देन्दारो पेन्दारो की मौज पड़ीं च ।

बुरु ना माणी प्यारि तू मेरा बोल्यां कु, अरे बुरु ना माणी प्यारि तू मेरा बोल्यां कु,

अब नि छुटि सकदु यु दारु कु चाखु, हाँ बै अब नि छुटि सकदु यु दारु कु चाखु ।

कभी सिकारी ठुंगार मा कभी, कभी सिकारी ठुंगार मा कभी लोण कु गारु, अरे लोण कु गारु,

इ दारु बिगर नि होण्य गुजारु, प्यारि इ दारु बिगर नि मेरु गुजारु ।



कनि कनि कर्याली तुमुक, कनि कनि कर्याली तुमुक,

छोडदा नि दारु तुम छोडदा नि दारु,

समझायी-समझायी मै हुवेगे मुंडारु, छि बै समझायी-समझायी मै हुवेगे मुंडारु ।

हाँ बै इ दारु बिगर नि मेरु गुजारु, सचि इ दारु बिगर नि होण्य गुजारु ।

छि बै समझायी-समझायी मै हुवेगे मुंडारु ।

भलु लगदु बनुली

एलबम- नौछ्म्मी नारैण



भलु लगदु बनुली तेरु माठु-माठु हिटणु हे भलु लगदु । -२

हिटणु ऐथर हेरणु पैथर, हरकणु-फ़रकणु भलु लगदु भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु । -२

हैसणु-हैसणु मयालु बच्याणु छुंयुँ मा अलझ्याणु भलु लगदु भलु लगदु ।



भलु लगदु बनुली तेरु माठु-माठु हिटणु हे भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।



हाथ थमाली-थमाली कु बेंडुं , हाथ थमाली-थमाली कु बेंडु ।

तेरी कराली हिटायी बनुली , करिगे कोरी जिकुड़ी मा छेंडुं ।-२

हिटणु ऐथर हेरणु पैथर, हरकणु-फ़रकणु भलु लगदु भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।

भलु लगदु बनुली तेरु माठु-माठु हिटणु हे भलु लगदु ।



खायी काखड़ी-काखड़ी मा लोण, खायी काखड़ी-काखड़ी मा लोण ।

मोहना तेरी छुंयुँ मा उलझी, मिन न घर न बण की रौण ।-२

हैसणु-हैसणु मयालु बच्याणु छुंयुँ मा अलझ्याणु भलु लगदु भलु लगदु ।

भलु लगदु बनुली तेरु माठु-माठु हिटणु हे भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।



स्योन्दु सिंदुर-सिंदुर की बेंदी, स्योन्दु सिंदुर-सिंदुर की बेंदी ।

बनुली ब्याली तिन सेवा नि लायी, बनुली आज हुंगुरु नि दियेन्दी ।-२

हिटणु ऐथर हेरणु पैथर, हरकणु-फ़रकणु भलु लगदु भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।

भलु लगदु बनुली तेरु माठु-माठु हिटणु हे भलु लगदु ।



भरी गागरी-गागरी मा पाणी, भरी गागरी-गागरी मा पाणी ।

गौं का बाटा-घाटो मा मोहना, लम्बी-लम्बी धवड़ी नि लाणी ।-२

हैसणु-हैसणु मयालु बच्याणु छुंयुँ मा अलझ्याणु भलु लगदु भलु लगदु ।

भलु लगदु बनुली तेरु माठु-माठु हिटणु हे भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।



खाय़ी नारंगी-नारंगी की दाणी, खाय़ी नारंगी-नारंगी की दाणी ।

बनुली मेरा हिया मा तू छैयी , तेरा हिया मा कु होलु कु जाणी । -२

हिटणु ऐथर हेरणु पैथर, हरकणु-फ़रकणु भलु लगदु भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।

भलु लगदु बनुली तेरु माठु-माठु हिटणु हे भलु लगदु ।



हौल निसुण-निसुण कु बाणु, हौल निसुण-निसुण कु बाणु ।

मेरी बिन्सरी की धाण छुटद , मोहना रात सुंया मि नि आणु । -२

हैसणु-हैसणु मयालु बच्याणु छुंयुँ मा अलझ्याणु भलु लगदु भलु लगदु ।

भलु लगदु बनुली तेरु माठु-माठु हिटणु हे भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।

भलु लगदु बनुली तेरु माठु-माठु हिटणु हे भलु लगदु ।

भलु लगदु मोहना तेरु हैंसी-हैंसी बच्याणु रे भलु लगदु ।

भलु लगदु बनुली तेरु माठु-माठु हिटणु हे भलु लगदु ।